Psa 114 | MMX | STEP | Ga se limixin me Israel diga vas kaxat boro Isip, nedi livipisik li at ne Jakop diga on basinge lara lubung mixin at lavapaase vetpes.

Psalms 114

Loxompixan At Lovovolo Pe

1 Ga se limixin me Israel diga vas kaxat boro Isip, nedi livipisik li at ne Jakop diga on basinge lara lubung mixin at lavapaase vetpes. 2 Nedi leme Juda diga ravasu ngan limixin kaala at ne Moroa, la nedi leme Israel diga ravasu bok ngan limixin tinotno ren.

3 At lavatpas atdi boro Isip, Loxontas Memele ga ven tangarang di la gara oo nga, la ladan sen Joridan ga sen korop, 4 la lempat taavut digat los ngan lempatme, la lengkong kaana digat los ngan levenat sipsip.

5 Tila ba la nenu loxontas uga oo, la tila ba la nenu ladan sen Joridan uga sen korop? 6 La tila nemi bok lempat taavut migat los ngan laxanme, la nemi lengkongkaana migat los ngan levenat sipsip?

7 Lavatbung menemen / lavatkangka axap, una dede at lovotpot at Leeme Silok; atla ne Moroa at ne Jakop naba ru asaxaven. 8 Ni ga lok das asu ladan sen boro xeneng at lavaruat, la lengkodan ga puuvut das su at lempat buang uat.